Հոլանտա 14 միլիոն եուրօ պիտի տրամադրէ Հայաստանին Արցախէն տեղահանուածներուն մատչելի բնակարաններով ապահովելու համար: Այս մասին X ցանցին վրայ գրառում կատարած է Հոլանտայի արտաքին գործոց նախարար Տէյվիտ Վան Վիլ:

Վատիկան գտնուող Ամենայն Հայոց կաթողիկոս Գարեգին Բ Քաստէլ Կանտոլֆոյի պալատին մէջ հանդիպում ունեցած է Հռոմի Քահանայապետ Լէոն 14-րդ Պապի հետ։ Ամենայն Հայոց Կաթողիկոսը շնորհաւորած է Սուրբ Պետրոսի Աթոռի գահակալին ընտրութիւնը, ինչպէս նաեւ անոր ծննդեան 70-ամեայ յոբելեանը։ Հովուապետերը անդրադարձան աշխարհի մտահոգիչ զարգացումներուն, Հայաստանի եւ հայ ժողովուրդի առջեւ ծառացած մարտահրաւէրներուն։ Հռոմի Սրբազան Քահանայապետի ուշադրութեանը յանձնուած է…

Սպանիա յայտնած է  թէ կրնայ պոյքոթել 2026ի «Եւրատեսիլ» երգի մրցոյթը, եթէ այդ մրցոյթին մասնակցի Իսրայէլը, կը հաղորդէ Sky News։ Նման յայտարարութիւն կատարած են նաեւ Հոլանտա, Իրլանտա, Սլովենիա եւ Իսլանտա։  Sky News կը նշէ որ Սպանիոյ եւ միւս երկիրներու կոչերը մեծ ճնշում է Եւրոպական հեռարձակող միութեան (EBU) վրայ, որ կը կազմակերպէ…

Հայաստանի պետական քամերային նուագախումբը «Երաժշտական ​​հրավառութիւն» համերգային ծրագիրով պիտի մեկնի աշնանային հիւրախաղերու Ֆրանսա եւ Ամերիկայի Միացեալ Նահանգներ, որոնց ընթացքին պիտի ներկայացնէ բացառաբար հայ երաժիշտներու ստեղծագործութիւններ։ Համերգաշարը պիտի մեկնարկէ Սեպտեմբեր 16ին, երեւանեան համերգով, հանդիսատեսին պիտի ներկայացուի Ղազարոս Սարեանի, Ալեքսանտր Յարութիւնեանի, Արամ Խաչատրեանի, Շարլ Ազնաւուրի, Վաղարշակ Կոտոյեանի, Կոնստանդին Պետրոսեանի եւ Էտկար Յովհաննիսեանի…

Լեհաստանի նախագահ Քարոլ Նաւրոցքին համաձայն գտնուած է երկրի տարածքին ՆԱՏՕ-ի ուժերու ներկայութեան, որուն նպատակն է Լեհաստանի ամրապնդումը «Արեւելեան պահապան» գործողութեան ծիրէն ներս, կը հաղորդէ Notes From Poland պարբերականը։  Սեպտեմբեր 12-ին գործողութեան մասին յայտարարած էին ՆԱԹՕ-ի գլխաւոր քարտուղար Մարք Ռիւտէն եւ Եւրոպայի դաշնակիցներու գերագոյն հրամանատար Ալեքսուս Կրինքեւիչը համատեղ մամլոյ ասուլիսի ընթացքին։…

Իսրայէլեան ռմբակոծումներու հետեւանքով, վերջին 24 ժամուան ընթացքին Կազայի հիւանդանոցներ տեղափոխուած 68 դիակներ եւ 346 վիրաւորներ, կը յայտնէ Կազայի առողջապահութեան գերատեսչութիւնը, նշելով որ փլատակներուն տակ եւ ճամբաներուն վրայ տակաւին կան բազմաթիվ զոհեր, ուր շտապօգնութեան եւ քաղաքացիական պաշտպանութեան խումբերը չեն կրցած հասնիլ։ Ըստ հաղորդագրութեան,  Իսրայէլի բանակի գործողութիւններուն հետեւանքով զոհերու ընդհանուր թիւը 2023…

Իրանի հոգեւոր առաջնորդի միջազգային հարցերով խորհրդական Ալի Աքպար Վիլայեթի խստօրէն դատապարտած է Ատրպէյճանի մէջ տեղի ունենալիք իսրայէլցի ռաբբիներու համագումարը։Ան համագումարի կայացումը որակած է հակաիսլամական քայլ։ «Սա առաջին դէպքն է, երբ Ատրպէյճանի կառավարութիւնը նման խախտում կը կատարէ որ կը խաթարէ իսլամը եւ շիիզմի համաշխարհային հեղինակութիւնը», – գրած է Վիլայեթի։

ՄԱԿի 142 երկիրներ թեր քուէարկած են Նիւ Եորքի հռչակագիրին, որ Իսրայէլ-Պաղեստին հակամարտութեան վերջ տալու եւ խաղաղութիւն հաստատելու համար որդեգրեց երկու պետութիւն սկզբունքը։Հռչակագիրի նախաձեռնութիւնը կը պատկանի Ֆրանսայի եւ Սէուտական Արաբիոյ։ Ըստ քուէարկութեան արդիւնքներուն, հռչակագիրին կողմ է քուէարկած է նաեւ Հայաստան։ Կողմ քուէարկած են 142 պետութիւն, դէմ՝ 10, ձեռնպահ՝ 12։

Յովհաննէս Թումանեանի անուան ազգային տիկնիկային թատրոնը մասնակցեր է Պրազիլի Ժոնվիլ քաղաքին մէջ տեղի ունեցած Animaneco Joinville 7-րդ միջազգային տիկնիկային թատերական փառատօնին։ Թատրոնը ներկայացուցած էհ «Մատնաչափիկը» փորթուգալերէնով։ Այցելութեան ընթացքին Պրազիլի եւ Արժանթինի հայ համայնքներու առաջարկով կազմակերպուած են ներկայացումներ Սէն Փաոլոյի եւ Պուէնոս Այրէսի հայկական դպրոցի երեխաներուն համար։

Կազայի առողջապահութեան նախարարութիւնը յայտնած է որ վերջին 24 ժամուայ ընթացքին իսրայէլեան ռմբակոծումներու հետեւանքով սպաննուած է 72 հոգի եւ վիրաւորուած՝ 356, կը յայտնէ պաղեստինեան WAFA գործակալութիւնը։ Առողջապահութեան նախարարութեան տուեալներով, 7 Հոկտեմբեր 2023էն ի վեր սպաննուած է 64718 հոգի, իսկ վիրաւորուած՝ 163859 հոգի։ Բացի այդ, սովը կը շարունակէ աւերներ գործել Կազայի մէջ։…