Շուէտացի բնապահպան Կրեթա Թունպերկը մասնակցեր է Նոյեմբեր 11ին Թիֆլիսի Ատրպէյճանի դեսպանատան առջեւ կազմակերպուած բողոքի հաւաքին։

«Իլհամ Ալիեւը բռնապետ է» կարգախօսի տակ տեղի ունեցած բողոքի մասնակիցները կը պահանջէին ազատ արձակել ատրպէճանական բանտերուն մէջ պահուող քաղաքական բանտարկեալները եւ կը քննադատէին ՄԱԿ-ը COP-29 խորհրդաժողովը Պաքուի մէջ գումարելու որոշումին համար։

«COP-29-ը քաղաքական երեսապաշտութեան օրինակ է», – գրուած էր կարգախօսին վրայ, որ ատրպէճանական դեսպանատան առջեւ բարձրացուցած էր Թունպերկը։