Ատրպէյճանի մէջ տեղի ունենալիք ՄԱԿ-ի Կլիմայի փոփոխութեան համաժողովին (COP29) նախօրէին, քանի մը տասնեակ քաղաքացիներ հաւաք կազմակերպած են ՄԱԿ-ի հայաստանեան գրասենեակին առջեւ, պահանջելով հայ պատանդներուն եւ գերեվարուածներուն ազատ արձակումը, ինչպէս նաեւ անհետ կորածներու ճակատագիրներու յստակեցումը։
Հաւաքի մասնակիցները իրենց պահանջները ամփոփող նամակ յանձնած են ՄԱԿ-ի գրասենեակի աշխատակիցին։
Անոնք որոշած են հաւաքները շարունակել նաեւ Հայաստանի ԱԳՆ շէնքի, Հայաստանի մէջ Ռուսիոյ, Ֆրանսայի եւ ԱՄՆ-ի դեսպանատուներուն առջեւ, որոնց ընթացքին նոյն պահանջով նամակներ պիտի փոխանցուին դեսպանութիւններուն։
Ազգ21 
Մեկնաբանէ