Մոսկվայի հայկական թանգարանին մէջ տեղի ունեցած է գրող, լրագրող եւ կարգ պեսթսելըրներու հեղինակ Թիմ Սքորենքոյի «Մարսագնաց, աքորտիոն, ՄՌՏ․ հայ գիւտարարական միտքի պատմութիւն» ռուսալեզու գիրքի շնորհանդէսը։ 

Բացման խօսքին մէջ հեղինակը բարձր գնահատած է հայ ժողովուրդի աւանդը մարդկութեան գիտական պատմութեան մէջ, ընդգծելով որ, ուսումնասիրելով տարբեր ոլորտներու մէջ հայ գիտնականներու կատարած գիւտերը, եկած է այն եզրակացութեան, որ դժուար է պատկերացնել ժամանակակից կեանքը առանց այդ գիւտերուն։