Յորդանանի ֆիլմերու յանձնաժողովը յորդանանահայ Սարին Հայրապետեանի «Տունս քաղցր ա» վաւերագրական ֆիլմը ընտրած է «Օսքարի» 97-րդ մրցանակաբաշխութեան «Լաւագոյն միջազգային ֆիլմ» անուանակարգով ներկայացնելու համար:
Ֆիլմը կը պատմէ 11-ամեայ Վրէժի մասին, որ կ՛ապրի Արցախի գեղատեսիլ գիւղերէն մէկուն մէջ եւ կ՛երազէ ատամնաբոյժ դառնալ։
Վրէժի կեանքը կտրուկ կը փոխուի, երբ պատերազմը կը վերսկսի եւ ան ընտանիքին հետ ստիպուած կը հեռանայ Արցախէն։ Պատերազմի աւարտէն ետք կը վերադառնայ աւերուած հայրենի գիւղ:
Ֆիլմը արդէն ցուցադրուած է Շէֆիլտի վաւերագրական ֆիլմերոը փառատօնին, իսկ Երեւանի մէջ «Ոսկէ ծիրան» 21-րդ միջազգային փառատօնին։
Յորդանանահայ Սարին Հայրապետեան ներկայիս կ՛ապրի Միացեալ Նահանգներ։
Ազգ21 
Մեկնաբանէ