ՄԱԿ-ի ընդհանուր քարտուղար Անթոնիօ Կուտերէշ դատապարտեր է Եմէնի հուսիներու կողմէ ՄԱԿ-ի 11 պաշտօնեաներու ձերբակալութիւնը եւ պահանջած է անյապաղ ազատ արձակել զանոնք։

CNN-ը կը հաղորդէ որ Օգոստոս 31-ին հուսիները մտած են Սանաայի մէջ գտնուող ՄԱԿ-ի եւ ԵՈՒՆԻՍԷՖ-ի գրասենեակներ։ Լրատուամիջոցը յայտնած է այս դէպքը տեղի ունեցած հուսիներու դէմ Իսրայէլի վերջին յարձակումներէն ետք։ Իսրայէլ յայտարարած էր որ իր հարուածներուն հետեւանքով սպանուած են հուսիներու վարչապետը եւ կարգ մը նախարարներ։