Գիւմրիի մէջ Օգոստոս 8էն 17ը տեղի պիտի ունենայ ժամանակակից արուեստի միջազգային փառատօնը՝ «Gyumri Art Week»-ը, որ այս տարի նուիրուած է բնապահպանութեան եւ շրջակայ միջավայրի ապահովութեան։ «Gyumri Art Week»-ը միտուած է դառնալու ժամանակակից արուեստի եւ գիտական տարբեր ոլորտներու միջեւ համագործակցութեան կապ ստեղծելու, միաժամանակ խթանելով արուեստագիտական հետազօտութիւնները եւ հասարակական գործընթացներու շուրջ բանավէճը։

Փառատոնը պիտի ներառէ վարպետաց դասեր, ցուցահանդէսներ, քննարկումներ եւ վայրին յատուկ գործողութիւններ, նպաստելով գիտելիքի ստեղծման եւ արուեստի ու հասարակութեան միջեւ երկխօսութեան։