Հայաստանի տնտեսութեան նախարարութիւնը հերքած է տարածուող լուրերը, թէ ծաղիկ արտածող  տնտեսվարողներն այլ երկւրներէ ծաղիկներ կը ներածեն Հայաստան եւ զանոնք կը վերարտածանեն Ռուսիա։

Նախարարութիւնը նշած է որ ներածուող ծաղիկի քանակները չնչին են Հայաստանէն Ռուսիա արտածուող քանակի համեմատ։

Վերջին շրջանին Ռուսիա սահմանափակած է Հայաստանէն ծաղիկներու ներածումը։ Ռուսիոյ կիրառած սահմանափակումները դժգոհութիւն առաջացուցած են ծաղիկներ արտածողներուն մօտ, որոնք բողոքի հաւաքներ կազմակերպած են, պահանջելով խնդրին լուծում գտնել։