«Սրբազան պայքար» շարժումի առաջնորդ Բագրատ արքեպիսկոպոս Գալստանեան ձերբակալուեր է, յայտնած է անոր փաստաբան Սերգէյ Յարութիւնեան։ 

Ան յայտնած է որ դատարանի որոշումով իրաւապահները խուզարկութիւն կատարած են Բագրատ արքեպիսկոպոս Գալստանեանի կեցավայրը, որմէ ետք անոր ձերբակալած են եւ տարած քննչական կոմիտէ։ 

Նախօրէին քննչական կոմիտէն հաղորդագրութիւն տարածած էր յայտնելով, որ «Սրբազան պայքար» շարժումին առաջնորդները ահաբեկչական եւ իշխանութիւնը զաւթելու գործողութիւններ  նախապատրաստած են։ Քննչական կոմիտէն նաեւ շարժումին ղեկավարներուն մասնակցութեամբ ձայնագրութիւններ հրապարակած է։