Դիլիջան քաղաքը ճանչցուեր է միջոցառումներ կազմակերպելու համար լաւագոյն քաղաք, MICE Excellence Awards մրցանակաբաշխութեան ընթացքին։ 

Դիլիջանը մրցանակաբաշխութեան ներկայացուած է Meet Dilijan նախաձեռնութեան կողմէ որ կը նպատակադրէ քաղաքի զարգացման, որպէս ժամանակակից MICE ուղղութիւն։

MICE Excellence Awards-ը զբօսաշրջութեան ամէնահեղինակաւոր մրցանակաբաշխութիւններէն մէկն է, որ կ՛ընդգրկէ Արեւելեան Եւրոպայի, Հարաւային Կովկասի եւ ԱՊՀ երկիրներու կարեւորագոյն նախաձեռնութիւնները։

Այս տարի մրցոյթին մասնակցած են Վրաստան, Ղազախստան, Սերպիա, Ուքրանիա, Իւզբեքիստան, Պելառուսիա, ԱՄԷ, Լիտվա եւայլն։