Ռիօ Տը Ժընէյրոյի դատարանը Էտնալտօ Ռոտրիկէզին հեռացուց Պրազիլի ֆուտպոլի ֆետերասիոնի նախագահի պաշտօնէն։ Դատավճիռը յանգեցուց կազմակերպութեան տնօրէններու խորհուրդի լուծարման։

Իրավիճակը կրնայ ներքին հետաքննութեան ծիրէն դուրս գալ, որովհետեւ ՖԻՖԱ-ն չարտօներ որ պետութիւնը միջամտէ ֆուտպոլին։
ՖԻՖԱ-ն սպառնացեր է Պրազիլին պատժամիջոցներով։ Մինչեւ 26 Մայիս պրազիլցիք պէտք է ՖԻՖԱ-ին ղրկեն իրենց խումբերու ցուցակները՝ Յունիսին տեղի ունենալիք Մոնտիալի զտումի խաղերուն մասնակցելու համար։

Այս հարցը կրնայ նոյնիսկ պատճառ դառնալ որ Պրազիլի ազգային խումբը զրկուի 2026ի աշխարհի ախոյեանութեան մասնակցելու իրաւունքէն։
Որոշումը պիտի ազդէ նաեւ Քարլօ Անճելոթիի վրա։ Ան պիտի ստանձնէ Պրազիլի ազգային խումբի մարզչի պաշտօնը 26 Մայիսին։