Նուազագոյնը 24 մարդ մահացեր է ԱՄՆ-ի հարաւային եւ կեդրոնական եօթը նահանգներու մէջ չդադրող տեղատարափ անձրեւներու եւ փոթորիկներու հետեւանքով, կը հաղորդէ CBS News-։

Ըստ պարբերականին, 10 հոգի մահացեր է Թենեսի նահանգին մէջ, ուր տեղատարափ անձրեւի հետեւանքով սկսած են պտտահողմեր եւ հեղեղումներ։ 5 հոգի մահացեր է Քենթաքիի, 3 հոգի՝ Միսուրի եւ 2-ական՝ Արքանզասի եւ Ճորճիա մէջ։ Ինտիանայի եւ Միսիսիփիի իշխանութիւնները յայտներ են մէկական մահուան դէպքի մասին։

Հեղեղումներու պատճառով Թեքսասի եւ Օհայոյի մէջ տեղի ունեցած են ելեկտրականութեան եւ կազի ընդհատումներ, իսկ որոշ քաղաքներու բնակիչներուն հրահանգ տրուած է լքել իրենց բնակարանները։ Բազմաթիւ ճանապարհներ փակուած են, իսկ հարիւրաւոր օդանաւային չուերթներ՝ չեղարկուած։