Հայաստանի մարմնամարզութեան հաւաքականի գլխաւոր մարզիչ Յակոբ Սերոբեան արժանացեր է «Եւրոպական մարմնամարզութեան պատուաւոր մրցավարի» կոչումին, կը յայտնէ Հայաստանի մարմնամարզութեան ֆետերասիոնը։ 

Ան երկար տարիներ եղած է Հայաստանի մարմնամարզութեան տղամարդկանց հաւաքականի գլխաւոր մարզիչ, արժանացած է Հայաստանի Հանրապետութեան վաստակաւոր մարզիչի կոչումին, միջազգային կարգի մրցավար է: Սերոբեան վերջին քանի մը ողիմպիական խաղերու ժամանակ եղած է մրցավարական կազմին մէջ: