Բանաստեղծութեան միջազգային օրը՝ Մարտի 21ին, Հայաստանի գրողներու միութեան յարկին տակ նշուեցաւ Աւետիք Իսահակեանի 150ամեակը։

Բանաստեղծներ, արձակագիրներ, դերասաններ, ասմունքողներ ընթերցեցին անոր ստեղծագործութիւնները, յիշելով քնարերգուի հետ կապուած յուշերը։

Բանաստեղծութեան միջազգային օրը ամէնամեայ տօն է, որ կը նշուի Մարտ 21ին: Այս տօնը 1999ի Նոյեմբեր 15ին հռչակած է ԵՈՒՆԵՍՔՕ-ն։ Հայաստանի մէջ այս տօնը սկսած է նշուիլ 2010էն ի վեր։