Ալպանիոյ մայրաքաղաք Թիրանայի մէջ, Մարտ 8-14 տեղի պիտի ունենայ մինչեւ 23 տարեկաններու ըմբշամարտի Եւրոպայի ախոյեանութիւնը։

Հայաստանի ըմբշամարտի մինչեւ 23 տարեկաններու ազգային խումբը իր մասնակցութիւնը պիտի բերէ այս ախոյեանութեան։

Ազատ ոճի ԵԱ-ի կը մասնակցին Նորիկ Յարութիւնեան (57 քկ), Լեւիկ Միքայէլեան (61 քկ), Հայկ Աբրահամեան (65 քկ), Վլատիմիր Ազարեան (70 քկ), Նարեկ Նիկողոսեան (74 քկ), Ռազմիկ Եփրեմեան (86 քկ), Կնեազ Իբոյեան (92 քկ), Սերգէյ Սարգսեան (97 քկ) եւ Խաչատուր Խաչատրեան (125 քկ)։

Յունահռոմէական մրցաշարին կը մասնակցին Արայիկ Թօփալեան (55 քկ), Սուրէն Աղաջանեան (60 քկ), Դաւիթ Ջոթեան (63 քկ), Ռուբէն Միրանեան (67 քկ), Աշոտ Խաչատրեան (72 քկ), Մարտիկ Պետրոսեան (77 քկ), Էրիկ Տէր-Մաթեւոսեանը (82 քկ), Վիգէն Նազարեան (87 քկ), Յարութիւն Կիրակոսեան (97 քկ) եւ Ռազմիկ Քուրտեան (130 քկ)։