Իրանը 800 քմ շառաւիղով ռատար տեղադրած է, որու հասողութիւնը կ՛ընդգրկէ Հայաստանի եւ Ատրպէյճանի երկինքը, կը գրէ Islamic World News-ը։

Ռատարը տեղադրուած է Կիլանի նահանգի բարձրավանդակին վրայ՝ երկրի հիւսիսային օդային տարածքը հսկելու համար։ Ան միացուած է Իրանի հակաօդային պաշտպանութեան ցանցին։

Կը նշուի որ Կիլանի մէջ ռատարի տեղադրումէն ետք Հայաստանի, Ատրպէյճանի, արեւելեան Թուրքիոյ զգալի մասի, Վրաստանի մեծ մասի, արեւմտեան Թուրքմենիստանի, Ղազախստանի հարաւ-արեւմտեան մասի եւ Կասպից ծովի օդային ամբողջ տարածքը կը գտնուի Իրանի ՀՕՊ համակարգի վերահսկողութեան տակ։